.png)
Nga Gazeta ‘SI’ – Qeveria ka parashikuar disa ndryshime në ligjin për nëpunësin civil, me qëllim përmirësimin e mdoelit të funksionit në administratën publike.
Sipas një drafti në konsultim, synohet që të shtohen rekrutimet me punonjës të rinjë, të papërfshirë më herët në administratë.
Projektligji parashikon gjithashtu strukturë të re pagash, e cila nxit performancën përmes bonuseve vjetore për punonjësit më të suksesshëm dhe heq avancimin automatik në shkallët e pagës. Po ashtu, do të krijohet një Komision Kombëtar i Atestimit për standarde unike rekrutimi në të gjithë administratën publike.
Sipas draftit, do të rikthehet sërish në fuqi konkurrimi e testimi sipas pozicionit specifik dhe jo konkurrimi për një grup pozicionesh.
Ndërhyrjet përfshijnë edhe mandate 5-vjeçare për sekretarët e përgjithshëm e drejtuesit e institucioneve, sistem më të hapur karriere dhe proces më të strukturuar të testimit dhe konkurrimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
