.png)
Nga Gazeta ‘SI’ – Paralelisht me strategjinë kundër krimit të organizuar, qeveria ka ndërhyrë dhe në ligjin “kundër pastrimit të parave”.
Fillimisht në ligj shtohet nocioni i “armëve të shkatërrimit në masë” dhe ndalohet financimi i tyre për prodhim, eksport, përvetësim etj.
Sipas draftit që po konsultohet, ministria e Financave kërkon ngritjen e një sistemi të centralizuar që do të mbledhë dhe analizojë të gjitha të dhënat që lidhen me pastrimin e parave apo financimin e terrorizmit dhe do të përditësohet vazhdimisht.
Po ashtu, institucionet dhe agjencitë vendase do të hartojnë Vlerësimin Kombëtar të Rrezikut, ku vihen në dispozicion të dhënat e riskut dhe efektivitetin. Vlerësimi Kombëtar i Rrezikut rishikohet jo më pak se çdo 4 vjet.
Pak ditë më parë, ministria e Brendshme nxorri në konsultim strategjinë 2026-2030, kundër krimit trë organizuar, ku theksonte nevojën e trajnimit të punonjësve me metodat e reja të pastrimit të parave dhe kanalizimit të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
