.png)
Nga Gazeta ‘SI’ – Zëvendëskryeministrja dhe ministrja e Infrastrukturës, Belinda Balluku shpjegoi se OPU, Operatori i Prodhimit të Ujit, do të ndajë prodhimin dhe shpërndarjen e ujit si faza e dytë e reformës dhe në fazë të tretë, do të ndahet shpërndarësi dhe furnizuesi në 2027-n.
Ballluku theksoi se 15 kompanitë ekzistuese të UKT-së, nuk do të preken.
“15 kompanitë që do të vijojnë operimet në mënyrë të njëjtë, pa i ndryshuar asgjë pa u prekur, do të bëjnë edhe ndarjen në dy nukla, njëra që do merret me mirëmbajtjen dhe tjetra me faturim arkëtim e gjithcka tjetër”, tha ministrja duke theksuar se OPU do të ketë organizim rajonal dhe do të ndahet në katër rajone hidrologjike.
Ministrja u ndal tek rasti i projektit të Tragjasit, burim ujor që mund të furnizojë një pjesë të mirë të jugut të vendit, por kundërshtuar nga banorët e zonës, që qeveria po pret t’i bindë.
“Do të sjell një rast që na ka shqetësuar mjaftueshëm, që ka të bëjë me një burim ujor në zonën e Tragjasit, i cili i parashikuar nga ekspertët do furnizonte një pjesë të mirë të jugut, por me të drejtën e tyre banorët e zonës e refuzojnë marrjen e këtyre sasive të ujit për të furnizuar zonën e Dhërmi-Palasës. Por ne kemi vendosur ti bëjmë ata pjesë të bisedës dhe ti bindim .Ndaj jemi nëntë muaj me vonesë”, tha Balluku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
