Nga Gazeta ‘Si’- Partia Demokratike ka propozuar hetimin me komision parlamentar për çështjen e portit të Durrësit.
Lajmin e bën me dije në rrjetin e tij social Facebook, kreu i grupit parlamentar i Partisë Demokratike, Gazment Bardhi pas mbledhjes që u zhvillua sot.
Bardhi i bën thirrje SPAK-ut që të verifikojë investigimet e mediave gjermane të cilat sipas tij shkruajnë se Porti i Durrësit është një aferë korrupive me gjurmë që shkojnë deri në Ekuador dhe Kolumbi.
“Në mbledhjen e sotme të Grupit Parlamentar të Partisë Demokratike u vendos që mbi këtë aferë të kërkohet një hetim i plotë parlamentar.
Transparenca mbi pasuritë publike dhe veçanërisht verifikimi dhe prerja e lidhjeve të krimit të organizuar me projekte madhore strategjike të vendit, duhet të jetë misioni i Kuvendit në periudhën e mbetur të kësaj Legjislature.
Grupi Parlamentar i PD nxit Prokurorinë e Posaçme që sa më parë dhe pa asnjë hezitim të hetojë dhe verifikojë të gjitha investigimet e kryera mbi këtë aferë skandaloze korruptive dhe që dyshohet se ka fije të lidhura me krimin e organizuar ndërshtetëror”, shkruan Bardhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
