.png)
Nga Gazeta 'Si'- Mbështetës të Partisë Demokratike dhe ish-kryeministrit Sali Berisha u mblodhën poshtë banesës së këtij të fundit në rrugën “Mustafa Matohiti” në kryeqytet, në pritje të daljes së kryedemokratit pasi gjykata vendosi lirimin e tij nga arresti shtëpiak.
Ndryshe nga mbledhjet thuajse të përditshme poshtë banesës së Berishës gjatë fjalimeve të tij, demokratët u mblodhën sot menjëherë pas daljes së vendimit nga GJKKO.
Mbështetës të Berishës u mblodhën edhe në selinë blu ku Berisha mbajti konferencën e parë me gazetarët pas lirimit nga arresti shtëpiak.
Berisha u vendos nën arrest në 30 dhjetor të vitit të kaluar në lidhje me aferën e privatizimit të ish-kompleksit Partizani në kryeqytet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
