.png)
Pas Milanos, Selanikut dhe Nju Jorkut, kryeministri Edi Rama ndodhet sot në Londër ku do të zhvillojë takimin e katërt me shqiptarët e diasporës.
Takimi do të nisë rreth orës 12:00 me orën britanike dhe do të jetë në të njëjtin format si takimet e fundit. Në takim do të këndojë Arilena Ara ndërkohë që vetëm Rama do të flasë.
Mbetet për t’u parë fjalimi i Ramës me bashkatdhetarët, pasi situata në Londër me shqiptarët nuk është e njëjtë si në vendet e tjera. Ka problematika emigracion i paligjshëm ku ka shumë pa dokumente.
Copper box ka kapacitet prej 7 mijë vendesh, por vetëm gjysma e sallës do të përdoret.
Në takimin e Ramës në Londër do të jenë të pranishëm edhe Taulant Balla dhe Pandeli Majko.
Ndërkohë jashtë sallës ku do të zhvillohet takimi i kryeminsitri Rama me diasporën është paralajmëruar një protestë nga përfaqësuesit e opozitës në Londër. Protesta është thirrur në orën 11:00 me orën britanike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
