Gazeta Si – Në intervistën e tij të parë që nga shpallja e tërheqjes së tij nga gara për Shtëpinë e Bardhë, Joe Biden i tha gazetarit të CBS, Robert Costa se ai “nuk është aspak i sigurt” se do të ketë një kalim paqësor të pushtetit tek Kamala Harris nëse Donald Trump humbet zgjedhjet në nëntor.
“Trump, – tha Presidenti i Shteteve të Bashkuara të Amerikës, – nënkupton atë që thotë. Nuk e marrim seriozisht. Megjithatë, ai flet seriozisht: të gjitha ato gjëra si, ‘Nëse humbim, do të ketë gjakderdhje’, ‘Do të jenë zgjedhje të vjedhura’, ai i thotë seriozisht”.
Intervista e plotë me presidentin amerikan – në të cilën Biden, ndër të tjera për vendimin e tij për t’u tërhequr nga zgjedhjet presidenciale dhe skenarët e luftës ndërkombëtare, nga Izraeli në Ukrainë – do të transmetohet të dielën më 11 gusht: “Trump është serioz kur flet për një ‘gjakderdhje’, – nënvizoi sërish. – Por nuk mund ta duash vendin tënd vetëm kur fiton”.
Trump kishte evokuar “banjo gjaku” në rast të dështimit për t’u rizgjedhur marsin e kaluar, në një tubim në aeroportin e Dejtonit në Ohajoo, duke shkaktuar një reagim të ashpër nga Biden dhe demokratët përpara se të tërhiqeshin duke thënë se po i referohej pasojave ekonomike të politikës tregtare të SHBA-ve.
Në atë kohë, zëdhënësi i fushatës së Bidenit, James Singer tha se ato fraza treguan qartë se ish-presidenti amerikan donte “një tjetër 6 janar” – duke iu referuar sulmit të vitit 2021 në Kapitol Hill, për të cilin Trump është nën gjyq – por këtë nëntor populli amerikan do t’i sigurojnë atij një humbje tjetër elektorale, sepse vazhdojnë të refuzojnë ekstremizmin e tij, lidhjen e tij me dhunën dhe etjen e tij për hakmarrje”.
Më pas, në debatin e qershorit me Biden, i pyetur nëse do të pranonte rezultatin e zgjedhjeve të nëntorit, Trump u përgjigj: “Unë do t’i pranoja rezultatet nëse do të ishin zgjedhje të drejta, ligjore dhe korrekte”.
Përgjigja e presidentit Biden erdhi menjëherë: “Unë dyshoj se do t’i pranojë, sepse ai është një qaraman. Nuk mund ta durosh humbjen, diçka pësove kur humbe herën e fundit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
