.png)
Ish-presidenti i Shteteve të Bashkuara dhe kandidati republikan, Donald Trump do të ulet me miliarderin e teknologjisë Elon Musk për një intervistë javën e ardhshme, tha ai të martën.
"Të hënën në mbrëmje do zhvilloj një intervistë me Elon Musk" njoftoi Trump në platformën e tij të mediave sociale, Truth Social.
Musk ende nuk ka komentuar për intervistën e planifikuar.
Manjati, personaliteti publik i të cilit është bërë gjithnjë e më i krahut të djathtë dhe kontrovers, e miratoi zyrtarisht Trumpin muajin e kaluar, në të njëjtën ditë që Trump u qëllua në një tubim fushate në Pensilvani.
Pas marrjes së X, dikur Twitter nga Musk, ai rivendosi llogarinë e Trump, e cila u pezullua nga ish-pronarët e platformës pas trazirave të 6 janarit në SHBA, në 2021.
Në një tubim të fushatës të shtunën, Trump dukej se hoqi kundërshtimin e tij të gjatë ndaj automjeteve elektrike për shkak të mbështetjes së Musk.
"Unë jam për makinat elektrike, duhet të jem sepse Elon më mbështeti shumë," tha ai.
Musk ka mohuar raportet se ai po planifikon të derdhë një pjesë të pasurisë së tij të madhe në fushatën e rizgjedhjes së Trump, duke pretenduar se ai nuk do të "dhurojë para për asnjë nga kandidatët" për president.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
