Në Londër Manchester City luajti ndalesën e prapambetur me Tottenham në një nga shanset e fundit për t’u ndalur në garën që ka me Arsenalin për titullin kampion të Premier League. Megjithatë gjasat mbeten të pakta dhe këtë gjë e konfirmoi skuadra e Guardiolës me fillimin e pjesës së dytë.
Pas barazimit 0-0 në të parën, është i përhershmi Haland ai i cili zhbllokon ndeshjen në minutën e 51-të, duke i prerë shpresat e “Topçinjëve” për të patur një ndalesë të rivalit të tyre në prag të javës së fundit. Pak minuta nga fundit i takimit Son pati shansin më të mirë për të shënuar golin e barazimit, por ishte i pafat pasi goditja e tij u ndal nga portieri që zëvendësoi Ederson, Ortega.
Ndërkohë në shtesën e fundit të takimit, City përfityon një 11-metërsh duke vulosur fitoren, me goditjen që u shndërrua në gol, nga i zakonshmi Haland, i dyti personal dhe i dyti për Manchesterin në këtë ndeshje. Me këtë fitore Manchester City ngjitet me dy pikë në krye të kampionatit anglez, mbi Arsenalin, ndërkohë që ndeshjen e fundit e luan me West Ham në shtëpinë e tij, ndërkohë që Arsenali luan me Evertonin.
Sa i përket garës për titullin, shpresa për ta do të mbetet deri në fundin e përballjes së fundit të këtij edicioni, në fillim të fitojë ndeshjen e tij dhe ndërkohë që të shpresojë të mundet ose të barazojë Manchester City pasi edhe me pikë të barabarta është skuadra e Artetës kampione.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
