.png)
Agjencia Kombëtare të Shoqërisë së Informacionit, AKSHI, ka nxjerrë për konsultim një draft ku propozon riformatimin e pagave në këtë institucion, për të konkurruar tregun privat.
AKSHI, për të rritur performancën e fushës së informacionit, kërkon që sipas natyrës së punës, stafi të përfitojë deri në 500 mijë lekë shtesë mbi pagën, duke u bërë kështu edhe më tërheqës për të rinjtë.
Masa e shtesës për natyrë të veçantë për secilën kategori përcaktohet me vendim të Këshillit të Ministrave.
LEXO EDHE:
– ‘Paga 900€’/ Shteti rriti rrogat ndjeshëm, privati jo! Thellohet diferenca midis punonjësve
– Vetëm 46% e bizneseve shqiptare u nxitën nga rritja e pagës në shtet
“Është parashikuar edhe përfitimi i një shtese për natyrë të veçantë pune çdo muaj. Ky parashikim vjen si rezultat i vështirësive të vazhdueshme që AKSHI has në lidhje me rekrutimin e stafit për shkak të pagave të kufizuara, të cilat nuk janë në nivelin e pagave që ofron tregu për këto detyra dhe funksione specifike. Sqarojmë se, pagat e punonjësve që përmbushin funksione të tilla specifike në fushën e teknologjisë së informacionit, janë relativisht të larta në treg. AKSHI aktualisht për shkak të kuadrit ligjor ekzistues, has pengesa për rekrutimin e ekspertëve më të mirë. Pra mungon një skemë atraktive pagash që të sigurojë përthithjen e nevojshme të ekspertizës së burimeve njerëzore dhe më tej qëndrueshmërinë e tyre në Agjenci” thuhet në relacion.
Pak kohë më parë, vetë kryeministri Edi Rama u shpreh se me rritjen e pagave në shtet synohet pikërisht konkurrimi i privatit. Teknologjia dhe informacioni dominojnë tregun e pagave në Shqipëri, ndikuar dhe nga ndërhyrja e kompanive të huajave, që paguajnë disafish më shumë se ato shqiptare.
Drafti i rishikuar i ligjit i nxjerrë tashmë për konsultim parashikon gjithashtu ofrimin e shërbimit të nënshkrimit elektronik për shtetasit shqiptar dhe të huaj, ndryshim ky i cili sjell risi të shumta për qytetarët, duke përfshirë lehtësimin e procedurave administrative, reduktimin e nevojës për printim dhe dorëzim fizik të dokumenteve dhe sigurimin e një mënyre të sigurt dhe më të lehtë për të firmosur dokumentet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
