.png)
Gazeta Si – Dy zyrtarë të Administratës së Sigurisë Shtetërore, raporton faqja “Ukrainska Pravda”, janë akuzuar për tradhti dhe bashkëpunim në një sulm terrorist.
Një nga detyrat e rrjetit të inteligjencës ruse ishte të kërkonte mes ushtarakëve pranë sigurisë së presidentit për njerëz që mund të merrnin peng kreun e shtetit dhe më pas ta vrisnin. Përveç Zelenskit, rusët synonin të eliminonin kreun e SBU-së Vasily Malyuk, kreun e Gur Kirill Budanov dhe zyrtarë të tjerë të rangut të lartë.
Kreu i SBU, Vasily Malyuk, pretendon se një rreth i ngushtë njerëzish dinin për këtë operacion special për të ekspozuar agjentët e armikut.
Sipas tij, sulmi terrorist duhet të ishte “një dhuratë për Putinin për inaugurimin e tij”. Në veçanti, sipas shërbimeve sekrete, agjentët synonin të vrisnin Budanov para Pashkëve.
Pretendimet e Ukrainës për përpjekjet ruse për vrasjen e Zelenskyt nuk janë diçka e re. Më 2022, Zelenski tha se kishte së paku 10 tentime për ta vrarë atë.
Ndërkohë, prokurorët në Poloni thanë muajin e kaluar se e kishin arrestuar një polak nën akuzat se ishte i gatshëm të spiunonte për inteligjencën ushtarake të Rusisë në një komplot të dyshuar për ta vrarë Zelenskin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
