Gazeta Si – Trofeu i Kupës së Shqipërisë do të jepet më 14 maj. FSHF, nëpërmjet sektorit të garave, ka përcaktuar këtë datë për finalen e këtij kompeticioni. Ndeshja do të luhet në stadiumin “Air Albania”, në orën 19:00.
Deri në këtë moment janë luajtur dy ndeshjet e para gjysmëfinale të Kupës së Shqipërisë, ku Kukësi ka mundur 2-0 Tiranën, ndërsa Egnatia ka fituar 1-0 ndaj Vllaznisë. Ndeshjet e kthimit, që do të përcaktojnë dy finalistët, luhen më 24 prill.
Edicionin e kaluar trofeun e Kupës së Shqipërisë e fitoi Egnatia, që mundi Tiranën në finale. Kjo e fundit kërkon të shpëtojë sezonin me fitimin e Kupës, pasi në kampionat për momentin është jashtë 4-shes së parë. Për të shkuar në finale duhet të përmbysë humbjen 2-0 të ndeshjes së parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.