Gazeta Si - Në ndeshjen hapëse të javës së 31-të të Serisë A, Salernitana dhe Sasuolo barazuan 2-2, me të dyja skuadrat që mbeten në zonën e rënies nga kategoria.
Protagonist në këtë ndeshje ishte fantazisti i Kombëtares shqiptare, Nedim Bajrami. Ai dha asistin e golit të parë, duke e nxjerrë Laurienté përballë portierit kundërshtar, kurse 7 minuta më pas shënoi edhe golin e dytë për Sasuolon. Salernitana reagoi në pjesën e dytë dhe barazoi shifrat në fund.
Bajrami ishte lojtari më i mirë i ndeshjes. Ai u vlerësua me notën 7.5 për paraqitjen e bërë deri në momentin e zëvendësimit çerek ore para fundit. Një ndeshje vërtet shumë e mirë për mesfushorin kuqezi.
Në mesin e pjesës së dytë u aktivizua edhe mbrojtësi Marash Kumbulla, i vlerësuar me notën 6 për atë që bëri në pak më shumë se 20 minuta lojë. Sasuolo shpërdoroi një avantazh të dyfishtë dhe mbetet në vend të parafundit, me 25 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.