Gazeta Si – Një nderim i jashtëzakonshëm nga klubi francez jo për ndonjë futbollist, as ndonjë drejtues, por për punonjësen e lavanderisë Sara Viera, e cila ka dalë në pension. Mbape e ka përshëndetur me shumë dashuri me një postim në Instagram, kurse skuadra e ka nderuar një javë më parë.
Sara Vieira, punonjëse e lavanderisë, largohet nga PSG pas 30 vitesh punë dhe klubi e lojtarët janë mobilizuar të gjithë për t’i bërë nderimin e duhur. Ajo ka qenë një institucion i vërtetë i klubit, e njohur dhe vlerësuar nga të gjithë. Një lidhje shumë e fortë me klubin dhe lojtarët.
Sara, 66 vjeç, zbiriti në fushë për shkelmimin simbolik të topit para ndeshjes mes PSG-së dhe Brestit në Kupën e Francës. Në korridoret e selisë së klubit dhe në dhomën e zhveshjes ajo prej 30 vitesh është një mit absolut, siç e tregojnë postimet e lojtarëve, me në krye Kilian Mbape.
Një punë në hije, por që i ka dhënë mundësinë të njohë nga afër kampionë të mëdhenj, si Ronaldinjo, Bekham, Djorkaef, Ibrahimoviç, dhe vitet e fundit Mbape, Mesi e Nejmar. Ka njohur zakonet e tyre dhe është kujdesur për lojtarë milionerë, që zakonisht pak rëndësi u kushtojnë sendeve personale.
⚽ Avant de s'entraîner, l'ensemble des joueurs et du staff du PSG a fait une haie d'honneur pour remercier Sara Vieira, lingère du club, qui part à la retraite après 30 ans de service ! 👏
— Le Média Positif 🍀 (@LMPositif) February 2, 2024
🎥 Paris dans la peaupic.twitter.com/qxJmQYK65D
Klubi i ka dhuruar një fanellë origjinale të PSG-së, ku shkruhej "Merci Sara" (faleminderit Sara), pastaj skuadra ka bërë disa foto me të. "Faleminderit Sara, 30 vjet në klub, nuk do të kemi kurrë fjalë për të falënderuar. Je gjithmonë e mirëseardhur këtu, në shtëpinë tënde”, - shkruante Mbape.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.