.png)
Gazeta Si – Në eventin ‘Më të Mirët 2023’, që FSHF do të organizojë më 18 dhjetor, do të jepen disa çmime për protagonistët kryesorë të futbollit, ku më kryesori është ai i ‘Topit të Artë’. Tashmë janë mësuar edhe emrat e të nominuarve për secilin çmim.
Për çmimin ‘Topi i Artë 2023’ garojnë Arinaldo Rrapaj i Partizanit, Florent Hasani i Tiranës dhe Bekim Balaj i Vllaznisë. Janë të tre lojtarë protagonistë të këtij viti.
Për ‘Topin e Artë 2023’ për femra janë në garë Valentina Troka e Apolonisë dhe dy lojtaret e Vllaznisë, Ezmiralda Franja dhe Megi Doçi. ‘Këpuca e Artë 2023’ për meshkujt dhe femrat do t’u jepet golashënuesve më të mirë të vitit.
Për çmimin ‘Trajneri i Vitit 2023’ janë përzgjedhur si finalist Mirel Josa, aktualisht në stolin e Laçit, Orges Shehi i larguar nga Tirana dhe Edlir Tetova i Egnaties.
Një çmim do të ketë edhe për ‘Talentin e Vitit 2023’ dhe në garë janë Ledjo Tresa, Ergis Arifi dhe Arlind Kurti. Për çmimin ‘Talentja e Vitit 2023’ rivalizojnë Rosela Vasa, Klesta Ago dhe Klaudia Borci.
Për çmimin ‘Arbitri i Vitit 2023’ janë nominuar ndërkombëtarët Juxhin Xhaja, Eldorjan Hamiti dhe Enea Jorgji. Po ashtu, do të zgjidhet edhe formacioni i vitit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
