Gazeta Si – Dy shtetas kinezë janë arrestuar në Rinas, pasi tentuan të kalonin kufirin me pasaporta të falsifikuara.
Policia njofton se 27-vjeçari me iniciale J.Sh., dhe 52-vjeçari me iniciale Ch.Ch., në dalje të territorit shqiptar, kanë paraqitur pasaporta të Koresë së Jugut, të cilat pas verifikimeve rezultuan të falsifikuara.
Gjatë kontrollit fizik, atyre iu janë gjetur pasaportat e tyre kineze, me të njëjtat gjeneralitete si pasaportat e falsifikuara. 4 pasaportat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Falsifikimi i letërnjoftimeve, i pasaportave ose i vizave”, kryer në bashkëpunim.
Po ashtu në Murriqan u ndaluan dy të rinj turq që tentuan të kalojnë kufirin duke paraqitur pasaporta të dyshuara të falsifikuara.
“Specialistët për Hetimin e Krimeve të DVKM Shkodër kanë referuar materialet në Prokurori ku ka nisur procedimi në gjendje të lirë për shtetasit turq, 23 vjeç dhe, 27 vjeç, pasi në PKK Muriqan, në dalje, kanë paraqitur pasaporta të dyshuara të falsifikuara”, thuhet në njoftimin e policisë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
