.png)
Gazeta Si – Ish-futbollisti i Kombëtares shqiptare, Igli Tare, është paraqitur sërish në ambientet e SPAK, disa javë pasi iu komunikua se ishte person nën hetim për pastrim parash.
Ish-drejtori sportiv i Lazios dhe Milanit në Itali është paraqitur këtë të hënë në SPAK, në kuadër të hetimeve që e kanë vendosur atë nën akuzën e pastrimit të parave.
Tare ishte thirrur edhe disa kohë më parë në Prokurorinë e Posaçme, ku pas një seance të gjatë marrjeje në pyetje, që zgjati rreth 5 orë e gjysmë, u largua pa bërë deklarata për mediat.
Gjatë kohës që ai merrej në pyetje, SPAK njoftoi se ka sekuestruar një vilë të Belinda Ballukut në Dhërmi, të cilën dyshohet se e kishte fshehur në emër të ish-futbollistit.
Më 19 maj, SPAK mori në pyetje edhe vëllanë e Igli Tares, Agronin, i cili qëndroi në ambientet e Prokurorisë së Posaçme për rreth 30 minuta.
Igli Tare, në shumicën dërrmuese të kohës e ka lidhur veprimtarinë e vendit me futbollin jashtë vendit.
Ndërkohë, Balluku akuzohet për shkelje të barazisë në tenderin e Tunelit të Llogarasë, është person nën hetim edhe për 7 lotet e Unazës së Madhe, si edhe e dyshuar për 3 tenderë të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje