Interesi i turistëve norvegjezë për Shqipërinë shpërtheu në verën e 2023, të cilët ishin në kërkim të destinacioneve me kosto të ulët, shkruan në një artikull revista norvegjeze “NTB Kommunikasjon”.
Numri i prenotimeve drejt Shqipërisë u rrit me 34% në verën e 2023 krahasuar me një vit më parë. Ky trend është forcuar.
Shqipëria është po aq popullore sa Majorka
Sipas të dhënave zyrtare të (TUI) Unioni Ndërkombëtar i Turizmit, ka një tendencë në rritje të numrit të njerëzve që rezervojne pushimet e tyre në Shqipëri krahasuar me Kretën, Greqi.
“Rezervimet janë në të njëjtin nivel si për Majorka në verën e vitit 2024”, tha TUI.
Shqipëria shpesh përshkruhet si një ndërthurje e mrekullueshme e Italisë dhe Turqisë, me ushqim fantastik dhe mikpritje të veçantë.
Vendi ofron plazhe të mrekullueshme me rërë, veçanërisht përgjatë rivierës së Durrësit dhe bregdetit të Vlorës.
Shqipëria ka një histori interesante dhe ofron një gamë të gjerë aktivitetesh në natyrë dhe shumë përvoja.
Dëshironi pushime të përballueshme?
Nuk është çudi që tani një numër i lartë norvegjezësh po rezervojnë pushimet e tyre verore të vitit të ardhshëm në Shqipëri.
Restorantet dhe jeta e natës është shumë më e lirë.
Në të njëjtën kohë, çmimet e hoteleve janë përgjithësisht më të ulëta se në Spanjë dhe Greqi.
Inflacioni i lartë ka bërë që njerëzit të përjashtojnë mundësinë për të kaluar pushimet e tyre jashtë vendit, por destinacioni mesdhetar, Shqipëria ofron një arratisje të paharrueshme dhe me kosto të ulët.
Nëse ju pëlqen të eksploroni plazhet e bukura, vendet kulturore historike dhe kuzhinën tradicionale, Shqipëria është destinacioni i duhur për ju. (ATA)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
