Kushdo që është përdorues i TikTok e ka parë të paktën një herë një video ku prindërit marrin fëmijën për të gatuar dhe i thyejnë një vezë në kokë për të parë reagimin e fëmijës, reagim që shumë herë nuk është i bukur për tu parë.
Ekspertët e kanë cilësuar një video të tillë si shumë shqetësuese, duke thënë se në këtë mënyrë prindërit po dhunojnë fëmijët dhe po i bëjnë të qajnë me dëshirën e tyre të plotë.
“Kur shoh këto video pyes veten, a jemi ne si prindër kaq të dëshpëruar për të postuar vazhdimisht gjëra të reja në platformën që konsumon aq shumë nga jeta jonë e përditshme? Është viti 2023 dhe ne po i thyejmë vezët në kokat e fëmijëve tanë, duke shpresuar të marrim një reagim qesharak që të mund ta postojmë videon në internet dhe të argëtojmë të huajt për pëlqime” shkruan SARAH Adams sociologe që e sheh sfidën të papranueshme.
pic.twitter.com/TLsPtta3Ko Controversial Egg Crack Challenge on your kid's head..
— Let's End Wokeness (@LetsEndWokeness) August 18, 2023
What you think, is this considered child abuse?
“Unë nuk isha aspak një fanse e madhe e kësaj. Kjo nuk është diçka që u sjell dobi fëmijëve në asnjë mënyrë dhe sinqerisht nuk më duket argëtuese,” thotë Dr. Meghan Martin, mjeke e urgjencës pediatrike në Spitalin e Fëmijëve Johns Hopkins, e cila gjithashtu ka 1.3 milionë ndjekës në TikTok .
Martin shtoi se prindërit duhet të jenë veçanërisht të kujdesshëm kur e verdha e vezës bie në fytyrat e fëmijëve.
“Ne fjalë për fjalë po godasim salmonelën në ballin e tyre,” tha ajo.
As komentuesit nuk e kanë pritur mirë këtë trend duke thënë se kështu prindërit po humbin besimin e fëmijës.
“Fëmijët duken kaq të trembur dhe të trishtuar”, shkruan një nga komentuesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
