.png)
Gazeta Si – Spanja del nga zgjedhjet e ndarë në dysh, me një fitues formal, Partinë Popullore të udhëhequr nga Alberto Nuñez Feijóo, i cili megjithatë ndoshta do t’i duhet t’ia lërë udhëheqjen e qeverisë kundërshtarit të tij socialist.
“Rezistenti” Pedro Sánchez, pësoi një përmbysje të jashtëzakonshëm në krahasim me sondazhet e javës së kaluar dhe fiton bastin që e shtyu të shpallte zgjedhje të parakohshme në mes të verës, pesë muaj përpara afatit të natyrshëm, pas mposhtjes së zgjedhjeve komunale dhe rajonale të 28 majit të kaluar.
Megjithatë kryeministri aktual mund të vazhdojë të qeverisë vendin pas rezultateve “pa fitues” të qartë.
Me 100% të votave të numëruara, PP ka 136 vende (33.05% të votave) dhe PSOE 122 (31.7%). Diferenca për sa i përket votave është edhe më e vogël, për shkak të sistemit kompleks të ndarjes së mandateve.
“Kthesa e Madhe” politike nuk është më afër. As aleanca me të djathtën ekstreme të Vox, e cila ra nga 52 në 33 mandate (12.4%), nuk i lejon PP-së të fitojë një shumicë absolute prej 176 deputetësh për të marrë detyrën në Moncloa, godina e qeverisë.
Çuditërisht, nga ana tjetër, koalicioni i udhëhequr nga PSOE që ka qeverisur vendin që nga viti 2019 po vazhdon të qëndrojë në tërësi.
Performancë e mirë nga Sumar, koalicioni i sapoformuar i udhëhequr nga zëvendëskryeministrja Yolanda Diaz, në të cilin u bashkua Podemos, i cili është në vendin e katërt me 31 vende (12.3%).
Vox konfirmon veten si partia e tretë në Spanjë, por ëndrra për t’u bërë një parti qeverisëse në nivel kombëtar ndoshta zhduket, pasi në vend të kësaj ajo arriti të marrë më shumë vota në rajonet e Extremaduras dhe Valencias pas votimit administrativ.
Megjithatë, Feijóo nuk dorëzohet dhe pretendon “të drejtën e PP-së për të formuar qeverinë”, si kryetar i partisë me më shumë vota, duke i kërkuar edhe një herë PSOE një pakt neutraliteti.
“Pas shtatë vjetësh, PP është kthyer në rrugët e fitores”, tha ai gjatë natës nga skena e ngritur në Calle Genova në Madrid, selia kombëtare e partisë, përpara një turme të vogël të armatosur me flamuj spanjollë.
“Do të punoj për të shmangur ngërçin. Detyrimi ynë tani është që në Spanjë të mos hapet një periudhë pasigurie. Është detyra ime që menjëherë të hap dialogun dhe të përpiqem të qeveris vendin tonë në përputhje me rezultatet elektorale”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
