.png)
Gazeta Si – Një biznesmen 30-vjeçar nga Brazili ka zbuluar se e ka marrë këtë vendim, sepse identifikohet shumë me sulmuesin e PSG-së dhe Brazilit.
Nejmar është gjithmonë në qendër të vëmendjes, shpesh për polemika dhe kritika. Këtë herë jo për çështje personale, por sepse një biznesmen nga Porto Alegre ka bërë të ditur se i ka lënë testamentin yllit brazilian të futbollit, duke i trashëguar gjithë pasurinë, madje ka treguar edhe dokumentin.
Biznesmeni tifoz e ka bërë këtë gjë në praninë e dy dëshmitarëve te noteri. Ai ka shpjeguar se e ka marrë vendimin për shkak të disa problemeve me shëndetin. “Më pëlqen Nejmar, shoh veten tek ai, – ka thënë biznesmeni. – Raporti që ai ka me të atin më kujton raportin që unë kisha me babanë tim që ka vdekur. Mbi të gjitha e di që nuk është një oportunist, diçka e rrallë në kohët e sotme.
Jam gati 31 vjeç, nuk jam mirë me shëndet. Kam parë që nuk kam askënd që mund t’i lë gjërat e mia, nëse humbas jetën”, – ka shtuar ai, duke pohuar se e ka bërë gjithçka me vetëdije të plotë.
Nejmar ndërkohë ka pasur probleme me ligjin në Brazil, ku është akuzuar se ka shkelur rregullat e territorit gjatë ndërtimit të vilës së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
