Gazeta Si – Dy zyrtarë janë vënë në pranga pasi dyshohet se kanë marrë ryshfet në këmbim të vendit të punës te Drejtopria e Burgjeve.
SPAK njofton se ndaj, Agron Ballës dhe Klodian Gjecit, është caktuar masa e sigurisë “arrest me burg”, pasi ekzistojnë dyshime se në bashkëpunim me njëri-tjetrin kanë kërkuar dhe marrë përfitime në shuma monetare me qëllim për të ushtruar ndikim të paligjshëm në Drejtorinë e Përgjithshme të Burgjeve.
Sipas SPAK, shumat monetare janë kërkuar dhe marrë me qëllim për të bërë të mundur punësimin e një personi në strukturat në varësi të Drejtorisë së Përgjithshme të Burgjeve.
Dy të dyshuarit, akuzohen për veprën penale “Ushtrimi i ndikimit të paligjshëm te personat që ushtrojnë funksione publike”, e kryer në bashkëpunim.
Shërbimet e policisë gjyqësore të Drejtorisë së Policisë Durrës kanë ekzekutuar ditën e djeshme masat e sigurimit për zyrtarët e sipërpërmendur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
