Kontratat e së ardhmes së naftës Brent ranë nën 75 dollarë për fuçi për herë të parë që nga marsi, pasi tregtarët po shqetësohen për shëndetin e ekonomisë globale.
Nafta ishte në 87 dollarë për fuçi deri në mes të prillit, menjëherë pasi disa anëtarë të grupit të prodhuesve OPEC+ thanë se do të ulnin prodhimin me më shumë se 1 milion fuçi në ditë.
Por, zbutja e ekonomisë amerikane dhe brishtësia e vazhdueshme midis bankave të saj , si dhe të dhënat e dobëta të prodhimit në Kinë, kanë shkaktuar rënie të marzheve të rafinimit.
Frika bankare ka rënduar mbi naftën javët e fundit dhe në atë që është institucioni i tretë i madh amerikan që dështon në dy muaj. Rregullatorët e Shteteve të Bashkuara thanë të hënën(1 maj) se Banka First Republic është sekuestruar dhe një marrëveshje është rënë dakord për t’i shitur bankën JPMorgan.
“Investitorët kanë frikë se nëse Fed vazhdon të rrisë normat e interesit siç pritej, çfarë do të ndodhë me fëmijët e tjerë problematikë të sistemit financiar të SHBA?”, tha Naeem Aslam nga Zaye Capital Markets, i cili shtoi se pritet një rritje e normave të interesit me 0.25%.
“Ne besojmë se tregu i naftës do të jetë në deficit gjatë pjesës së mbetur të tremujorit të dytë” pas shkurtimeve të OPEC +, tha Baden Moore, kreu i strategjisë së mallrave dhe karbonit në Bankën Kombëtare të Australisë.
Burimi: Bloomberg/ Përshtati: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
