Kreu i Credit Suisse, Axel Lehmann u ka kërkuar falje të gjithë aksionerëve të bankës që u shit në prag falimentimi.
“është një ditë e trishtë për ju dhe për ne. Unë e kuptoj zemërimin, inatin dhe shokun që keni pësuar nga të gjitha këto zhvillime”, -tha Lehmann në takimin vjetor të bankës.
“Ju kërkoj ndjesë që ne nuk mundëm të mbulojmë humbjet dhe sidomos humbjen e besimit, që kishte nisur prej vitesh dhe në fund ju zhgënjyem përsëri”.
Një prani e policisë u krijua herët të martën në vendin e ngjarjes, ndërsa protestuesit dhe aksionarët filluan të mbërrinin me tufa, duke shpresuar për përgjigje dhe përgjegjësi pas rënies së institucionit 167-vjeçar zviceran. Autoritetet zvicerane ndërmjetësuan një shpëtim emergjent të bankës së goditur nga rivali i saj më i madh vendas për vetëm 3 miliardë franga zvicerane, gjatë një fundjave në fund të marsit.
Ajo pasoi një kolaps në depozitat dhe çmimin e aksioneve të Credit Suisse mes frikës së një krize bankare globale. As aksionarët e UBS dhe as Credit Suisse nuk u lejuan të votonin për marrëveshjen.
“Deri në fund, ne luftuam shumë për të gjetur një zgjidhje, por në fund kishte vetëm dy opsione: marrëveshje ose falimentim,” – u tha aksionerëve Lehmann, i cili u bë kryetar në janar 2022. “Shkrirja duhej të ndodhte.”
Në një deklaratë të dielën, zyra e prokurorit të përgjithshëm konfirmoi se Prokurori Federal i Zvicrës po heton shkeljet e mundshme të ligjit federal zviceran nga zyrtarë qeveritarë, rregullatorë dhe drejtues të lartë në Credit Suisse dhe UBS.
“Na mbaroi koha!”/CNBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
