Vendet që blejnë karburante fosile ruse që prej luftës

Një vit pas pushtimit të Ukrainës nga Rusia, eksportet ruse të lëndëve djegëse fosile po vijojnë ende në vende të ndryshme anembanë botës.

Sipas vlerësimeve nga Qendra për Kërkime për Energjinë dhe Ajrin e Pastër (CREA), që nga fillimi i pushtimit gati një vit më parë, Rusia ka mbledhur më shumë se 315 miliardë dollarë të ardhura nga eksportet e karburanteve fosile në mbarë botën, me gati gjysmën (149 miliardë dollarë) prej vendeve të BE-së.

100 ditë nga pushtimi i Rusisë India do të importonte rreth 3.5 mld dollarë të karburanteve fosile ruse. Një vit më pas India ka importuar 24 mld dollar.

Importuesit kryesorë të karburanteve fosile ruse

Siç mund të pritej, Kina ka qenë blerësi kryesor i karburanteve fosile ruse që nga fillimi i pushtimit. Fqinji dhe aleati informal i Rusisë ka importuar kryesisht naftë bruto, e cila ka përbërë më shumë se 80% të importeve të saj që mbërrijnë në më shumë se 55 miliardë dollarë që nga fillimi i pushtimit.

Ekonomia më e madhe e BE-së, Gjermania, është importuesi i dytë më i madh i lëndëve djegëse fosile ruse, kryesisht për shkak të importeve të gazit natyror me vlerë mbi 12 miliardë dollarë.

Turqia, një anëtare e NATO-s, por jo e BE-së, ndjek menjëherë Gjermaninë si importuesi i tretë më i madh i karburanteve fosile ruse që nga pushtimi I Ukrainës. Vendi ka të ngjarë të kapërcejë Gjermaninë së shpejti, pasi të mos jesh pjesë e BE-së, do të thotë se nuk ndikohet nga ndalimet e importeve ruse të bllokut të vendosura gjatë vitit të kaluar.

Megjithëse më shumë se gjysma e 20 vendeve kryesore importuese të karburanteve fosile vijnë nga BE-ja, kombet e bllokut dhe pjesa tjetër e Europës kanë kufizuar importet e tyre si pasojë e ndalimeve dhe kufizimeve të çmimeve për importet ruse të qymyrit, dërgesat e naftës së papërpunuar nga deti dhe importet e produkteve të naftës kanë hyrë në fuqi.

Rënia e të ardhurave të Rusisë nga karburantet fosile

Ndalimet dhe kufizimet e çmimeve të BE-së kanë rezultuar në një rënie të të ardhurave ditore prej importit të karburanteve fosile të Rusisë nga blloku prej gati 85%, duke rënë nga kulmi i tyre i marsit 2022 me 774 milionë dollarë në ditë në 119 milionë dollarë më 22 shkurt 2023.

Megjithëse India ka rritur importet e saj të lëndëve djegëse fosile ndërkohë, nga 3 milionë dollarë në ditë në ditën e pushtimit në 81 milionë dollarë në ditë që nga 22 shkurti i këtij viti, kjo rritje nuk i afrohet të ardurave prej 655 milionë dollarëve të munguara nga reduktimi i importeve nga vendet e BE-së.

Në mënyrë të ngjashme, sipas S&P Global edhe nëse vendet afrikane kanë dyfishuar importet e tyre të karburanteve ruse që nga dhjetori i vitit të kaluar, eksportet ruse të produkteve të naftës në det kanë rënë ende me 21% që nga janari.

Faktorë të tjerë që ndikojnë te të ardhurat

Të ardhurat ruse nga eksporti i karburanteve fosile prej kulmit të tyre më 24 mars me rreth 1.17 miliardë dollarë të ardhura ditore, kanë rënë me më shumë se 50% në vetëm 560 milionë dollarë në ditë.

Së bashku me uljet e blerjeve të BE-së, një faktor kyç kontribues ka qenë rënia e çmimit të naftës së papërpunuar ruse, i cili gjithashtu ka rënë me gati 50% që nga pushtimi, nga 99 dollarë për fuçi në 50 dollarë për fuçi sot.

Nëse rënia e çmimit do vijojë, nuk dihet ende. Thënë kështu, grupi i 10-të i sanksioneve të BE-së, i shpallur më 25 shkurt, ndalon importin e bitumit, materialeve të lidhura me të si asfalti, gomat sintetike dhe vlerësohet që do të bien të ardhurat e përgjithshme të eksportit rus me pothuajse 1.4 miliardë dollarë.

Burimi: Visual Capitalist/ Përshtati: Gazeta Si

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.