Kemi parë shumë ndërtesa të ndryshme rreth e përqark botës duke treguar kështu punën e veçantë që bën arkitektura. Por e keni menduar ndonjëherë një hotel në formë kitare?
Hoteli në formë kitare po ndërtohet mbi horizontin e Hollywood-it në Florida.
Ky hotel është vendosur të hapet verën e ardhshme dhe pushuesit do të jenë në gjendje të shijojnë arkitekturën dhe pamjen e bukur që ofron ai.
Struktura ambicioze e kitarës ishte vizioni i James F. Allen, kryetar i Hard Rock International. Kulla e kitarës është pjesë e zgjerimit të një hoteli gjigand. Ky kompleks i ri do të ketë më shumë se 1300 dhoma dhe apartamente. Pjesët e tjera do të jenë zyra, qendër biznesesh, restorante, palestër etj. Asnjë nga dhomat e hotelit nuk do të jetë më e vogël se 41 metra katrorë.
Vlera e ndërtimit të këtij hoteli arrin në 1.5 miliardë dollarë
Disa e kanë konsideruar ndërtesën ‘të shëmtuar’, ndërsa të tjerë kanë lavdëruar duke e quajtur projekt të bukur.
Kompleksi i ri do të përfshijë 806 dhoma shtesë dhe suita, 638 do të jenë te pjesa e kitarës, ku të gjitha dhomat do të jenë 48 metra katrore ose më të mëdha. Numri në total i dhomave dhe apartamenteve do të jetë më shumë se 1300.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
