Nga Gazeta ‘SI’ – Në janarin e vitit 202 në Shqipëri, numri i hyrjeve nga jashtë arriti në shifrën e 833.450, me rritje 84% nga janari i vitit të shkuar. Kjo është shifra më e lartë e hyrjeve ndër vite për muajin janar.
Nga kjo shifër, 55% e totalit kanë qenë me shtetësi shqiptare, 456.239 dhe pjesa tjetër shtetas të huaj. Ndonëse janë më pak se ata shqiptarë, ata janë rritur me 94% në raport vjetor.
Për të njëjtin muaj, edhe daljet nga Shqipëria kanë qenë në rritje, afër 1 milion. Shqiptarët që kanë dalë gjatë janarit rezultojnë 954.933, me rritje rreth 60% dhe 412.820 të huaj më rritje 75%.
Gjatë janarit, rajoni me numrin më të lartë të hyrjeve të shtetasve të huaj në Shqipëri është rajoni i Europës me 366.257 shtetas, ndjekur nga Amerika me 7.051, ndërsa me numrin më të vogël të hyrjeve është rajoni i Lindjes së Mesme me vetëm 445 shtetas.
Hyrjet e shtetasve në territorin e Shqipërisë, dominohen nga kategoria e qëllimeve “personale” dhe është regjistruar në 369.606, duke u rritur me 96.6% krahasuar me të njëjtën periudhë të një viti më parë, pra për pushime apo vizita turistike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
