Nga Gazeta ‘SI’ – Inflacioni i matur sipas metodës europiane, i harmonizuar, gjatë muajit janar në Shqipëri, rezultoi 7.1%, ndikuar nga një rritje e mëtejshme e çmimeve të ushqimeve dhe pijeve joalkoolike, me 12%.
Transporti mbetet një kontribuues kryesor i inflacionit, me 7% rritje në janar 2023.
Nga muaji dhjetor, inflacioni i harmonizuar ka rënë me 0.4 pikë përqindje.
Sipas INSTAT, në janar inflacioni rezultoi 7.2%.
Shqipëria vazhdon të jetë ndër vendet me inflacionin më të ulët se vendet e tjera të BE-së, duke lënë pas vende si Malta, Spanja, Franca, Zvicra dhe Islanda.
Mesatarja e Bashkimit Europian për të njëjtën periudhë po ashtu ka rënë, nga 10.4% një muaj më parë në 10%.
Shteti me inflacionin më të lartë në Europë, për muajin dhjetor raportohet Hungaria, 26% dhe me më të ulëtën, Zvicra me rreth 3%.
Shporta e produkteve ku Eurostat bazohet për matjet, ka një tjetër përmbajtje nga ajo e INSTAT dhe dy produkte më pak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
