Gazeta Si – Bashkëshortja e Mbretit Charles III, Camilla Parker, i bëri homazhe Elizabeth II duke e quajtur atë një “grua të vetme që duhej të luante rolin e saj” në një botë të dominuar nga burrat”.
“Nuk kishte kryeministra apo presidente femra. Ajo ishte e vetmja, ndaj mendoj se e ka gdhendur rolin e saj”, deklaroi gruaja e mbretit Charles III.
Fjalimi i parë i bashkëshortes së re mbretëreshë, që nga vdekja e Elizabeth, duhet të transmetohet i plotë të dielën nga televizioni BBC, para një minute heshtjeje që do të mbahet nga e gjithë Mbretëria e Bashkuar.
“Ajo kishte këto sy të mrekullueshëm blu që i ndriçonin të gjithë fytyrën kur buzëqeshte”, kujton Camilla, 75 vjeçe. “Do ta kujtoj gjithmonë buzëqeshjen e saj. Ajo buzëqeshje është e paharrueshme”, – vijoi ajo.
E padashur prej kohësh nga britanikët për shkak se ishte e dashura e Charles, kur ai ishte i martuar me Princeshën Diana, Camilla fitoi dalëngadalë famë, duke u përfshirë në dhunën ndaj grave ose duke promovuar leximin.
Vetëm në shkurt, Elizabeth II, e cila nuk kishte marrë pjesë në martesën e saj civile me Charles në vitin 2005, dha pëlqimin e saj për t’u bërë “bashkëshorte- mbretëreshë” kur të vinte koha.
Më pak se gjysma e britanikëve vitin e kaluar, donin që Camilla të bëhej mbretëreshë.
Tani, sipas një sondazhi të YouGov, 53% e tyre tani besojnë se do të bëjnë një punë të mirë, ndërsa 18% mendojnë të kundërtën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
