Tatimet kanë përzgjedhur Durrësin si zona me veprimtari ekonomike më të lartë gjatë muajve qeshor-gusht.
Sipas të dhënave, DRT Durrës gjatë kësaj periudhe shënoi rritje me 10% të qarkullimit me TVSH, krahasuar me të njëjtën periudhë të një viti më parë. Vlera totale në lekë është rreth 44.5 miliardë.
Tatimet thonë se, nga ana tjetër rritja e shitjeve me TVSH, u shoqërua me rritje të TVSH-së së pagueshme dhe për DRT Durrës, kjo shifër ishte rreth 13% më e lartë se në periudhën Qershor – Gusht 2017.
Sipas listëpagesave për tatimpagues me detyrim dorëzimi deklarate mujore numri i punonjësve ishte 54,836 ose 6% më e lartë se e njëjtja periudhë e marrë në analizë për vitin e kaluar.
Ndërsa përgjatë gjithë sezonit turistik të këtij viti, numri i bizneseve të reja të regjistruara arriti në 500.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
