Më 10 gusht të vitit të kaluar dy punonjës të policisë së Sektorit të Forcës së Posaçme Operacionale në Drejtorinë e Durrësit me inicialet, V.B. dhe G.LL., pasi janë vënë në dijeni të vendit ku ndodhej një person i shpallur në kërkim me inicialet A.M., e kanë lokalizuar dhe më pas kapur duke e marrë në automjetin me të cilin lëviznin.
Deri këtu gjithçka konform ligjit.
Por rrugës ata kanë negociuar me të shpallurin në kërkim, duke e lënë të lirë kundrejt një shume prej 10.000 Euro. Një aferë kjo e hetuar nga SPAK në bashkëpunim me Shërbimin e Çështjeve të Brendshme dhe Ankesave.
Mbi bazën e kërkesës së SPAK, Gjykata e Posaçme e Shkallës së Parë për Korrupsionin dhe Krimin e Organizuar, caktoi masën e sigurisë “Arrest në burg” për dy policët, si persona të dyshuar për kryerjen e veprës penale të “Korrupsionit pasiv të personave që ushtrojnë funksione publike”, e kryer në bashkëpunim.
Nga gjykata është caktuar gjithashtu masa e sigurisë “Arrest në burg”, ndaj shtetasit A.M., si person i dyshuar për kryerjen e veprës penale të “Korrupsionit aktiv të personave që ushtrojnë funksione publike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
