Ndonëse protesta është paralajmëruar se do mbahet larg kryeministrisë dhe është thirrur kundër Lulzim Bashës, në kryeministri janë vendosur dyert e blinduara.
Dritaret e kryeministrisë janë mbyllyr po ashtu. Mes-përmes Bulevardit, G.I., i patrullës “Shqiponja” vrapon me kundragazin në dorë. Ai merr për nga vendi që i kanë caktuar eprorët për t’u vendosur përreth selisë së Partisë Demokratike dhe në mënyrë që mos të jenë të ekspozuar.
Përgjegjësi i turnit u bën rreshtore policëve që zbresin nga furgonët e FNSH me pajimet e protestave në krahë: “Jemi në gatishmëri thotë ai, përgjegjshmëri. Është si çdo ditë tjetër”.
Por të mbërthyer mes informacioneve se mund të ketë trazira dhe protestë te dhunshme, policia e ka vlerësuar maksimalisht atë që pritet të ndodhë në PD.
Nga njëra anë, kryetari i PD-së, Lulzim Basha hyri në seli herët. Në mëngjes, oborri i mbushur me automjete ka lënë pak hapësirë për mbështetësit e PD të thirrur nga Sali Berisha.
Dhe në dukje, më tepër se një protestë taktike, edhe policia ka zgjedhur të ngjajë sikur po qëndron larg sherrit politik.
Oborri i xhamisë dhe pranë Kuvendit qëndrojnë gati, oficerë policie e autobotë, të gatshëm dhe në pritje të urdhrave për të ndërhyrë, në rast se ka dhunë e dhunohet selia e partisë më të madhe opozitare. “Nëse ndodh kjo, plani është sërish përdorimi i gazit”, – thotë një burim i Gazetasi.al.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
