Në Venezuelë përdorin patina për të shkuar në Kishë, norvegjezët fshehin fshesat e tyre dhe katalanasit janë të fiksuar pas festave. Ka disa tradita të çuditshme dhe të mrekullueshme festive në mbarë botën.
Norvegjia: Fshihet fshesa
Norvegjezët besojnë se nata e Krishtlindjes përkon me ardhjen e shpirtrave të këqij dhe shtrigave. Është e logjikshme atëherë, që pronarët norvegjezë të fshehin të gjitha fshesat para se të flenë.
Në fund të fundit, asgjë nuk i prish Krishtlindjet më shpejt se sa të gjesh fshesën tënde në copa të thyera në këmbët e një peme, të rrënuar nga ndonjë magjistare.
Karakas: Shkohet në Kishë me patina
Në javën para Krishtlindjes, venezuelianët marrin pjesë në një shërbim të përditshëm të kishës të quajtur Misa de Aguinaldo (Mesha e mëngjesit të hershëm).
Në kryeqytet, Karakas, është zakon të udhëtoni në shërbimin e kishës me patina.
Në të vërtetë, praktika është kaq e përhapur, saqë shumë rrugë në kryeqytet mbyllen deri në orën 8 të mëngjesit për t’u siguruar adhuruesve të Krishtlindjeve një kalim të sigurt.
Austria: Përballë demonëve të Krishtlindjeve
Në Austri, Shën Nikolla ka një homolog të keq të quajtur Krampus. Ai është polici i keq i cili ka një detyrë: të ndëshkojë fëmijët e këqij para Krishtlindjeve.
Burra të veshur me kostume djalli bredhin rrugëve, duke mbajtur zinxhirë dhe një shportë për rrëmbimin e fëmijëve veçanërisht të këqij dhe për t’i tërhequr në ferr.
Sigurisht që është një mënyrë për t’i mbajtur fëmijët larg rrugës.
Katalonja: Të marrim atë që duam
Mirë se vini në traditën e çuditshme katalanase.
Vendasit në Katalonjë krijojnë një personazh nga një trung, duke vizatuar një fytyrë mbi të dhe duke i dhënë një kapelë. Më pas kalojnë dy javë duke e ‘ushqyer’ me fruta, arra dhe ëmbëlsira.
Në vigjilje të Krishtlindjes, e gjithë familja e rreh trurin me shkopinj dhe këndon një këngë tradicionale që përkthehet në “nëse nuk më jep cfarë dua, do të të rrah me një shkop” derisa trungu të nxjerrë të gjitha ushqimet e tij. Është e vështirë të kuptosh pse kjo traditë nuk është përhapur diku tjetër.
Ata gjithashtu dekorojnë Betlehemin me figurina të vogla, qeramike. Zakonisht personazhe të njohur, të tërhequr shpesh nga lajmet e atij viti, figurinat i kanë gjithmonë pantallonat rreth kyçit të këmbës.
Groenlanda: Një darkë Krishtlindjesh që nuk do ta harroni kurrë
Herën tjetër që do ta gjeni veten duke u ankuar për darkën e Krishtlindjes, mendoni për të varfërit në Grenlandë.
Çdo Krishtlindje, ata duhet të futen në mattak, lëkurë balene e papërpunuar me pak kiviak, i cili bëhet duke mbështjellë një auk (një zog të vogël arktik) në lëkurën e fokave, duke e varrosur për disa muaj dhe duke ngrënë mishin e tij të dekompozuar.
Guatemala: Sa e pastër është shtëpia juaj?
Në Guatemalë, pastërtia është vërtet pranë përsosshmërisë. Vendasit besojnë se djalli dhe shpirtrat e tjerë të këqij jetojnë në qoshet e errëta dhe të pista të shtëpisë.
Prandaj, ata kalojnë javën para Krishtlindjes duke pastruar, duke mbledhur mbeturina dhe më pas duke grumbulluar gjithçka në një grumbull të madh jashtë. Në fund vendoset sipër një shëmbëlltyrë e djallit dhe e gjithë gjëja vihet në zjarr.
Quhet La Quema del Diablo, ‘Djegia e Djallit’. Ideja është të djegin të gjitha të këqijat e vitit të kaluar dhe të fillojnë një vit të ri nga hiri.
Ukraina: Zbukurohet pema me rrjetat e merimangës?
Përveç dritave dhe zbukurimeve, ukrainasve u pëlqen të hedhin një merimangë artificiale dhe rrjetë në pemë gjithashtu.
Tradita e ka origjinën në një përrallë të vjetër të një gruaje të varfër, e cila nuk kishte mundësi të dekoronte pemën e saj dhe u zgjua në mëngjesin e Krishtlindjes dhe zbuloi se një merimangë e kishte mbuluar atë në një rrjetë.
Është për fat të mirë. Nuk ka të bëjë me mirëmbajtjen e keqe të shtëpisë.
Portugalia: Ushqehen të vdekurit
Gjatë festës tradicionale të Krishtlindjeve në Portugali, familjet ndonjëherë vendosin vende shtesë në tryezën e ngrënies për të afërmit e vdekur.
Mendohet se kjo praktikë do të sigurojë fat të mirë për familjen. Në disa zona lihen thërrime edhe në vatër.
Itali: Ku ndihmësi i vogël i Babagjyshit është një shtrigë e vjetër
Në pamundësi për të vërtetuar përfundimisht ekzistencën e Babagjyshit, Vatikani vendosi të hedhë peshë pas diçkaje me të cilën kishin pasur marrëdhënie të panumërta: një shtrigë të vjetër të quajtur La Befana, e cila u shpërndan dhurata fëmijëve në Itali.
Historia thotë se tre burrat e mençur e ftuan shtrigën që t’i shoqëronte për të parë foshnjën Jezus. Ajo tha se ishte shumë e zënë dhe vetëm do të dërgonte dhuratë.
Republika Çeke: Një provëz për të parë kur do të martohesh
Në prag të Krishtlindjeve, gratë çeke të pamartuara qëndrojnë me shpinë nga dera dhe hedhin njërën nga këpucët mbi supe.
Nëse bie me pjesën e parë përballë derës, do të thotë që ato do të martohen brenda vitit.
Nëse bie me thembër përballë derës, ato do të kenë një vit tjetër për të parë filmat e Bridget Jones.
Gjermania: Mbushni çizmet tuaja
Në mbrëmjen e 5 dhjetorit, fëmijët gjermanë lënë një çizme ose një këpucë jashtë derës së dhomës së gjumit.
Në mëngjes, nëse kanë qenë të mirë, do të zgjohen për të gjetur këpucët e mbushura me ëmbëlsira. Nëse nuk kanë qenë, do të gjejnë vetëm një degë.
Natyrisht, është mirë të lini jashtë palët më të reja të këpucëve që zotëroni.
Spanja: Viti i Ri, të brendshme të reja
Në Spanjë, është zakon të vishni të brendshme të kuqe në natën e Vitit të Ri.
Qyteti i vogël i La Font de la Figuera e ka çuar traditën një hap më tej: një vrapim i veshur vetëm me të brendshme të kuqe.
Rastësisht, qyteti ka incidencën më të lartë të pneumonisë në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
