Veprimi i qenve duke anuar kokën kur shoqëruesit e tyre njerëz flasin me ta, mund të lidhet me mënyrën se si ata përpunojnë dhe mësojnë përmendësh komandat, sipas një studimi të ri. Ndërsa ky veprim ndonjëherë mund të duket si një shenjë hutimi ose konfuzioni, studiuesit nga Universiteti Ewtvws Loránd në Hungari, thanë se kjo është një tregues që qentë po përpiqen të përqendrohen dhe t’u kushtojnë më shumë vëmendje mesazheve nga shokët e tyre njerëz. Studimi, i botuar në revistën “Animal Cognition” më 26 tetor, hedh më shumë dritë mbi sjelljen e qenit duke vlerësuar se 40 qen të racave të ndryshme mund të mësonin përmendësh emrat për lodra të ndryshme dhe të merrnin ato lodra specifike kur u urdhëruan. Studiuesit analizuan gjithashtu video nga një studim tjetër që zbuloi se jo çdo qen mund të mësonte emrat e lodrave pas tre muajsh trajnimi intensiv. Më pas, qenve iu kërkua të merrnin një lodër specifike pasi shoqëruesi thirri emrin e lodrës. Ata zbuluan se disa qen të talentuar që mësojnë fjalët (GËL) mund të mësonin emrat e shumë lodrave pa shumë përpjekje, ndërsa zakonisht shumë qen nuk ishin në gjendje të mësonin emrat e as dy lodrave.
“Përkulja e kokës është një lëvizje tjetër asimetrike tek qentë, por ajo nuk ishte studiuar kurrë. Ne hetuam shpeshtësinë dhe drejtimin e kësaj sjelljeje në përgjigje të një vokalizimi verbal specifik njerëzor: kur pronari i kërkon qenit të sjellë një lodër duke thënë emrin e saj”, tha Andrea Sommese, autori kryesor i studimit.
Meqenëse studimi hetoi gjestet e animit të kokës vetëm kur shoqëruesit u kërkonin qenve të merrnin lodra me emër, shkencëtarët paralajmëruan se rezultatet nuk ishin të plota dhe duheshin më shumë raportime.
“Është e rëndësishme të përmbahemi nga të menduarit se vetëm qentë e talentuar që mësojnë fjalët e anojnë kokën në situata të tjera që nuk janë testuar në këtë studim,” shtoi Andrea Temesi, një tjetër bashkautor.
Shkencëtarët thanë se nevojiten kërkime të mëtejshme për të përcaktuar përgjithësimin e rezultateve për një grup racash.
Burimi:The Independent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
