.png)
Një monedhë digjitale e frymëzuar nga seriali i njohur koreano-jugor i Netflix “Squid Game” ka humbur pothuajse të gjithë vlerën e saj pasi u zbulua se ishte një mashtrim i dukshëm.
Monedha me emrin “Squid”, e cila e tregtonte veten si një “kriptomonedhë që fitohet duke luajtur” pa vlerën e saj të rritej në mënyrë të menjëhershme.
Ky lloj mashtrimi quhet zakonisht një “tërheqje qilimi” nga investitorët e kriptove.
Kjo ndodh kur promotori i një monedhe digjitale tërheq blerësit, ndalon aktivitetin tregtar dhe fiton me paratë e mbledhura nga shitjet.
Zhvilluesit e Squid kanë arritur të mbledhin rreth 3.38 milionë dollarë, sipas faqes të teknologjisë Gizmodo.
Të martën e kaluar, Squid po tregtohej me vetëm 1 cent. Në më pak se një javë çmimi ishte rritur në mbi 2,856 dollarë.
Vlera e saj tani ka rënë me 99.99%, sipas të dhënave të kriptomonedhave nga CoinMarketCap.
Ekspertët e kriptomonedhave kishin paralajmëruar për disa shenja treguese se mund të ishte një mashtrim.
Më e rëndësishmja ishte se njerëzit që blenë tokenat Squid nuk ishin në gjendje t’i shisnin ato.
Kritikët theksuan gjithashtu se uebfaqja e saj përmbante shumë gabime drejtshkrimore dhe gabime gramatikore. Faqja e internetit nuk është më në internet dhe llogaritë e mediave sociale që promovonin monedhën gjithashtu janë zhdukur.
“Është një nga shumë skemat me të cilat investitorët naivë me pakicë tërhiqen dhe shfrytëzohen nga promotorët keqdashës të kriptove,” tha për BBC ekonomisti i Universitetit Cornell Eswar Prasad.
Prasad tha se blerësit duhet të jenë të vetëdijshëm kur blejnë kriptovaluta pasi nuk ka pothuajse asnjë mbikëqyrje rregullatore.
Burimi: BBC /Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
