.png)
Sipas platformës së specializuar CoinMarketCap, kriptomonedha dogecoin (DOGE), e cila filloi si shaka, pa që vlera e saj u rrit rreth 4,600%. Kjo arritje është kryesisht për shkak të vëmendjes së dhënë nga miliarderi Elon Musk, i cili e ka bërë të qartë se është monedha e tij digjitale e preferuar.
Në gusht të 2020, çdo DOGE kushtoi 0.002802 cent, dhe sot tregtohet me 0.2964 dollarë.
Analiza e platformës gjithashtu e rendit Dogecoin si një nga kriptovalutat me performancën më të lartë në tremujorin e dytë të vitit 2021. Deri më tani këtë vit, monedha digjitale shënoi një rritje prej 400%. Vetëm në 24 orët e fundit u rrit me 12%.
Elon Musk, adhuruesi dhe promovuesi më i madh i Dogecoin
CEO i Tesla dhe SpaceX, Elon Musk ka qenë promovuesi më i fortë dhe më i diskutueshëm i Dogecoin. Sa herë që ai bën një tweet rreth kriptomonedhës, ajo rritet në vlerë praktikisht në çast.
Edhe pse përkushtimi i tij ndaj DOGE e ka futur në telashe, biznesmeni 50-vjeçar vazhdon ta mbështesë hapur.
Këtë javë zhvilluesit e Dogecoin njoftuan në Twitter një përditësim të platformës, i cili do të zvogëlojë tarifat e transaksioneve dhe do ta bëjë rrjetin më të sigurtë. Disa orë më vonë, Musk ndau postimin duke shtuar se ishte “i rëndësishëm”.
Elon Musk, një nga tre njerëzit më të pasur në botë, është i bindur se Dogecoin është një nga kriptovalutat “më të forta”, siç e bëri të qartë kur përsëriste mendimin e milionerit Mark Cuban.
Burimi: MSN/Përshtati Gazeta SI
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
