A do ta humbasë “Mbreti Dollar” kurorën e tij?

Dollari amerikan është monedha kryesore rezervë në botë. Por mund të mos jetë gjithmonë.

“A do të varrosë tani Kabuli besimin në një botë të udhëhequr nga SHBA si superfuqia e vetme?”, pyet Louis-Vincent Gave nga Gavekal Research, një nga ofruesit kryesorë të pavarur botërorë të kërkimit të investimeve globale.

A mundet që “prestigji ushtarak amerikan t’i mbijetojë një disfate në duart e fermerëve të pa trajnuar që ngasin kamionçina Toyota?”

Shtetet e Bashkuara janë tërhequr nga katastrofa ushtarake më parë por ngjarjet në Kabul mund të vijnë për të pasqyruar Suezin. Rënia e prestigjit amerikan është e fortë për arin (strehën përfundimtare të sigurt) dhe naftën (për shkak të rrezikut të “tensioneve të rritura në Lindjen e Mesme”).

Dollari amerikan është monedha kryesore rezervë në botë. Investitorët i drejtohen aseteve të SHBA-së si një strehë e sigurt në kohë trazirash. Shqetësimet se varianti Delta do të dëmtojë rritjen globale i kanë dhënë monedhës një rritje të vonshme. Indeksi i dollarit amerikan, i cili përcjell vlerën e monedhës kundrejt një shporte prej gjashtë monedhave të partnerëve kryesorë tregtarë, është rritur 3.5% këtë vit.

“Gazetarët ndonjëherë thonë se janë të befasuar që dështimet e SHBA nuk kanë një efekt më negativ në dollarin,”- thotë Robert Armstrong në Financial Times.

“Unë jam gjithmonë i befasuar që aksionet amerikane nuk rriten më shumë.Fatkeqësitë amerikane e bëjnë botën më të rrezikshme. Kur bota është më e rrezikshme, vendi për të qenë janë pasuritë amerikane”.

Disa thonë se largimi i Amerikës nga Afganistani e liron atë të përqëndrohet në aleatët e tij tradicionalë. Në fund të fundit ka pak alternativa për dollarin. Renminbi i Kinës përballet me pengesa të mëdha për t’u bërë një monedhë e sigurt. Rivali më i madh i dollarit është euro, por tani për tani “tregu i borxhit të shprehur në euro nuk është … i madhësisë dhe likuiditetit të nevojshëm për të përmbushur nevojat e investitorëve globalë”.

Burimi: Money Week/Përshtati Gazeta SI

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.