.png)
Rezerva valutore e Bankës së Shqipërisë është stabilizuar në nivelin e 4 miliardë eurove në katërmujorin e parë të këtij viti.
Sipas të dhënave të BSH mjetet e rezervës valutore në fund të muajit prill kishin vlerën e 3.96 miliardë euro duke u rritur lehtë më 0.4% që nga fillimi i vitit.
Në krahasim më të njëjtën periudhë të vitit të kaluar ajo është rritur ndjeshëm më 11%.
Rezerva valutore arriti kulmin në qershor të 2020 duke prekur vlerën e 4.16 miliardë eurosh e ndihmuar dhe nga kontributi kryesor i dhënë nga eurobondi prej 650 milionë eurosh që u sigurua nga qeveria shqiptare.
Sipas Bankës së Shqipërisë, në fund të vitit 2020 Euro përbënte, 64.9% të rezervës valutore duke u ndjekur nga Dollari amerikan me 19%.
Këtë vit, BSH rifilloi edhe programin e ankandeve të blerjes së valutës, në funksion të menaxhimit të rezervës valutore ku janë planifikuar 14 ankande, ku në total, shuma e parashikuar për t’u blerë është midis 56 dhe 84 milionë eurove.
Në dy ankandet e zhvilluara në tremujorin e parë të vitit, Banka e Shqipërisë bleu gjithsej 16.1 milionë euro.
Kjo shumë e blerë në tremujorin e parë të vitit është më e lartë krahasuar me të njëjtën periudhë të vitit të kaluar, por më e ulët në krahasim me tremujorin e parë të dy viteve pararendëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
