I përjetshmi Kazuyoshi Miura është kthyer në fushë të mërkurën në moshën 53 vjeçare, 5 muaj dhe 10 ditë. Legjenda japoneze, në fakt, ka luajtur 63 minuta me shiritin e kapitenit në krah në fitoren 1-0 nga skuadra e tij, Yokohama FC, kundër Sagan Tosu në Ekimae Real Estate Stadium. Ndeshja ishte e vlefshme për raundin e dytë të grupit C të J.League Cup, Kupa e Ligës e Japonisë.
Një rekord i ri është shënuar në futbollin botëror. Miura është bërë akoma më shumë pjesë e historisë, duke u bërë futbollisti “më jetëgjatë” i planetit që ka luajtur një ndeshje zyrtare. Ai është një idhull i vërtetë në vendin e tij sepse ka qenë japonezi i parë që ka luajtur në Brazil dhe Itali. Fama e tij është aq e madhe saqë konsiderohet “mbreti i futbollit japonez”, pasi është pagëzuar nga populli si “King Kazu”.
Edhe Yōichi Takahashi, autor i filmit të famshëm vizatimor “Holly dhe Benji”, ka pranuar se është frymëzuar nga 53-vjeçari. Ai ka zbuluar se ka përdorur pamjen e Miura-s për të modeluar personazhin që do të shfaqej në ekranin e vogël si Oliver Hutton.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.