.png)
Rritet kredia e re për blerje banesash.
Banka e Shqipërisë raporton se individët kanë marrë gati 100 milionë euro për shtëpi në gjysmën e parë të këtij viti.
Për gjashtë muaj, sistemi bankar ka disbursuar 12.3 miliardë lekë kredi të re për blerje banesash ose 8% më shumë se në të njëjtën periudhë të një viti më parë.
Nisur edhe nga strategjia për deuroizimin, në dy vitet e fundit, ky portofol po orientohet më shumë nga monedha vendase.
Për gjysmën e parë të 2019-ës, 58% e kredisë së re për blerjen e banesave u dha në lekë.
Kredia për shtëpi ka raportin më të ulët të kredive me probleme në sistemin bankar, me afërsisht 5%. Në total, portofoli i kredisë për blerje banesash nga sistemi bankar në mesin e këtij viti kishte vlerën e 113 miliardë lekëve ose rreth 925 milionë eurove.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
