.png)
Një arbitër 31-vjeçar u rrëzua përtokë gjatë një ndeshje të ligës superiore boliviane dhe vdiq pasi u dërgua në spital. Ndeshja mes klubeve Always Ready dhe Oriente Petrolero u luajt në Stadiumin Komunal në El Alto, që është në një lartësi rreth 3.900 metra mbi nivelin e detit.
Loja ishte në minutën e 47 kur arbitri Victor Hugo Hurtado u rrëzua dhe ra nga fusha. Futbollistët dhe mjekët e ekipit nxituan drejt tij dhe pas pak minutash Hurtado u dërgua me ambulancë drejt spitalit.
Mjeku i ekipit Always Ready, Eric Kosziner u tha gazetarëve më vonë se gjyqtari pësoi një atak në zemër në fushë dhe pastaj një sulm të dytë, fatal kur ai mbërriti në spital. Këto dy goditje të njëpasnjëshme në zemër për 31-vjeçarin ishin fatale dhe ishte e pamundur që t’i shpëtohej jeta. Victor Hugo Hurtado ishte në mesin e arbitrave më të mirë në Bolivi, ku kishte gjykuar në disa ndeshje të rëndësishme ndërkombëtare.
Paraprakisht mediet ndërkombëtare shkruajnë se përveç komplikacioneve shëndetësore të 31-vjeçarit, shkak për këtë atak në zemër mund të jetë bërë edhe lartësia e madhe, në të cilën luhet futboll në Bolivi. Vlen të kujtojmë këtu pamjet e rënda të Lionel Mesit dhe të disa futbollistëve amerikano latin kur kanë shkuar të luajnë kundër kombëtares boliviane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
