.png)
Jo shumë kohë më parë, të udhëtoje në një qytet tjetër nënkuptonte që natën do ta kaloje në një hotel. Por, me mbërritjen e konceptit Airbnb, u bë e zakonshme që nata të kalohej në vila luksoze të njerëzve që i posedonin ato dhe i kishin vënë në dispozicion për të bërë biznes. Por jo vetëm në vila, por në çdo strukturë akomodimi unike.
Koncepti i dhënies me qira të shtëpive nuk është i ri, “Vacation Rentals By Owner”, ose “VRBO for short” kanë qenë në treg që nga 1995. Por teknologjia ka përparuar në mënyrë të konsiderueshme, dhe hyrja në treg e konceptit Airb që në krye të herës ka qenë një kërcënim për hotelet tradicionale. (Airbnb do të shkurtonte fitimet e hoteleve me 3.7% në 2014, sipas një studimi të Harvard Business School dhe MIT Sloan School of Management.) Si përgjigje, disa ndërmarrje hoteliere kanë investuar që ti bëjnë hotelet sa më tërheqëse.
Por Marriott vendosi të mos përpiqej të luftonte Airbnb. Ajo vendosi të bashkohej me të.
Në prill të vitit 2019, kompania zbuloi programin e saj Homes & Villas, i cili tani ofron 5,000 shtëpi me qira “Premium dhe Luksoze” në 190 vende në të gjithë botën. Ishte një largim i dukshëm dhe i menjëhershëm për kompaninë nga tradita e vjetër, e cila ka ofruar më parë dhoma hoteli për gati 100 vjet.
Por Marriott thotë se ndryshimin nuk e ndjente si një rrezik; në vend të kësaj, thotë ajo, është më shumë një zgjatim natyror i biznesit të saj.
“Kjo është një pjesë e tërë ekonomisë së diversifikuar – biçikleta dhe skutera dhe shtëpi”, tha Stephanie Linnartz, drejtuese globale e tregtisë në kompaninë Marriott.
“Shtëpitë me qira dhe B & B (BAd & Breakfast) kanë qenë në treg prej dekadash, kështu që idea thelbësore nuk është aq e re. Ajo çfarë ofrohet si risi janë platformat teknologjike që i sjellin ato tek konsumatorët, në mënyrë demokratike dhe të përballueshme.”
Megjithatë, si zinxhiri më i madh i hoteleve në botë, Marriott ka shijuar sukses përmes biznesit të tij tradicional të hotelit. Por kompania dhe Linnartz po e lëvizin markën jashtë zonës së rehatisë ku fuqia e biznesit ishte e sigurt për të evoluuar me kohën – dhe ata po e bëjnë atë më shpejt se shumica që është në treg.
‘Një ekosistem’ i opsioneve të ndryshme të akomodimit
Marriott ndiqte trendin e qiradhënies së shtëpive për disa vite nga koha kur Linnartz drejtonte një program pilot në Europë në vitin 2018 që do të bëhej paraardhësi i Homes & Villas.
Kompania anketoi klientët e saj më besnikë dhe zbuloi se 30% kishin përdorur një shtëpi me qira vitin e kaluar – shpesh për raste të përdorimit specifik si mbledhje familjare, shoqërie, etj për të cilat shtëpitë janë më të përshtatshme se dhomat e hoteleve.
“Nëntë herë nga 10 ky person po merrte me qira [një shtëpi] për një qëllim krejt tjetër, dhe ata po e merrnin atë nga dikush tjetër,” tha Linnartz. “Ne në të vërtetë besojmë se është plotësues dhe shtues i biznesit tonë thelbësor.
“Nëpërmjet programit të tij pilot, Marriott zbuloi se të mysafirët qëndruan mesatarisht pesë ose më shumë netë në shtëpitë me qira – më shumë se trefishi i qëndrimit mesatar 1.5-natë në një nga hotelet e kompanisë. Ky sukses ndihmoi në qetësimin e çdo shqetësimi të brendshëm që Homes & Villas mund të shkatërronte zinxhirin e hoteleve Marriott. “Në atë masë sa [njerëzit e brendshëm] kishin pyetje, por drejtuesi i projektit u shpjegoi të gjithëve me qetësi se kjo po rezononte me konsumatorët,” tha Linnartz.
Homes & Villas ndihmon Marriott të krijojë “një ekosistem” me mundësi të ndryshme, do të shprehej Mark Blutstein, analist hulumtues në firmën e studimit të tregut të mikpritjes Phocusëright.
Kjo do të thotë se, klientët që vizitojnë faqen e Marriott të cilët janë të hapur për lloje të ndryshme të bujtjes, nuk kanë nevojë të shkojnë tek konkurrentë si Airbnb ose Booking.com; ata thjesht mund të drejtohen tek faqja e internetit e shtëpive dhe vilave nga Marriott.com.
“Hulumtimi ynë tregon se konsumatorët janë thjesht duke thënë,” Unë kam nevojë për një vend për të qëndruar, “” tha Blutstein. “Ata janë të hapur për të dy format e bujtjes [hotelet dhe shtëpitë me qira], dhe Marriott i disponon të dy format.”
Linnartz ka një histori të gjatë të vëzhgimit të ndjenjën së konsumatorit në hotel. Ajo filloi karrierën e saj në Hilton, dhe puna e saj në Marriott filloi në 1997 kur ajo u bashkua me kompaninë si një analiste financiar. Ajo punoi në mënyrë të qëndrueshme duke ngjitur shkallët e Marriott në një gamë të gjerë pozicionesh, përfshirë shefin global të shitjeve dhe menaxhimin e të ardhurave. Ajo ka qenë gjithmonë e përqendruar në përdorimin e teknologjisë dhe tendencave të reja të tregut, thotë ajo, që e sheh si burim kryesor të suksesit tënjë kompanie që lulëzon përmes adaptimeve të pashmangshme ndaj sjelljes së konsumatorit.
Duke u ndalur te trendet e millennials dhe hapësirat luksoze
Tre në 10 udhëtarë rezervuan një shtëpi me qira në vitin 2018, sipas një studimi të kryer nga Phocusëright. Sondazhi u krye duke pyetur udhëtarët për preferencat e tyre të akomodimit.
Dituria konvencionale mund të supozojë se millennials janë nxitësit kryesorë të këtij trendi, por Phocusëright zbuloi se “demografia po ndryshon”. Më parë grupmosha 25 deri 34 vjeç ishte ajo që rezervonte një shtëpi me qira, por në vitin 2018 grupi 18 deri 24 u rrit me epërsi, me 44%, të kësaj grupmoshe që kanë preferuar të bujtin në shtëpi me qira kur janë larguar nga shtypia e tyre për një natë ose disa netë.
Dhe mos i llogarisni boomers: Rreth 23% e udhëtarëve të moshës 55 deri 64 vjeç kanë rezervuar një qëndrim në shtëpi në 2018, nga 21% në 2017.
“Shtëpitë me qira mund të ofrojnë me të vërtetë disa vendndodhje unike, pavarësisht nëse është vetë akomodimi i tillë ose është në një zonë ku nuk ka hotele për shkak të rregullave të zonës.”
Në rastin e Marriott, afro 80 nga 190 vendet e Homes & Villas ‘janë vende ku kompania nuk operon me një hotel, tha Linnartz. “Ato janë në vende si Big Sky, Montana, ose qytete të vogla në Itali, ku ne nuk kemi shtëpi – ose shumë ekzotike, ndoshta pak larg nga vendet e rrahura”.
Marriott po distamcohet nga Airbnb duke u shtrirë vetëm në “hapësirën premium dhe luksoze”, vuri në dukje Linnartz.
Hapësirat me qira të Shtëpive dhe Vilave duhet të kenë pajisje të niveleve të larta, duke përfshirë pajisje shtesë premium, mbulesa shtrati luksoze, peshqirë me gëzof të bardhë, tharëse, Ëi-Fi me shpejtësi të lartë dhe më shumë se kaq. Marriott punon vetëm me kompani të menaxhimit të mikpritjes profesionale, apo që menaxhojnë pronat në emër të pronarëve.
Argumenti i besnikërisë përmes akomodimeve të ndryshme
Pjesërisht si një përgjigje ndaj konkurentit Airbnb, shumë hotelierë janë duke ëmbëlsuar programet e tyre të besnikërisë – duke përdorur mënyra marketingu për ti tërhequr sa më shumë klientët.
Strategjia po funskionon: 72% e udhëtarëve ishin anëtarë të një programi të besnikërisë së hoteleve në vitin 2018, niveli më i lartë në pesë vjet, sipas sondazhit të Phocusëright.
Rreth 90% e qiramarrësve të shtëpive dhe vilave janë anëtarë të programit të udhëtimit Bonvoy të Marriott, zbuloi Linnartz. Në mesin e gjërave të tjera, shërbimi u lejon anëtarëve të marrin bonuse në bazë të pikëve për përvoja si biletat “Hamilton”, vendet VIP në ngjarje sportive dhe turne në kuzhinë.
“Ne jemi duke investuar një vlerë të shtuar në biznesin tonë thelbësor,” tha Linnartz. “Në fund të ditës, arsyeja që ne kemi leje të luajmë në këto hapësira të tjera kthehet në forcën e asaj bërthame.”
Marriott ka mundëis që të “luajë” dhe të eksperimentojë, tha Blutstein, analisti Phocusëright.
Marriott është vërtet i angazhuar plotësisht në këtë hapësirë, tha Linnartz./CNNbusiness/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
