Yield-et e bonove 1-vjeçare të bonove të thesarit u rritën lehtë gjatë ankandit të fundit që nga muaji maj duke arritur në 1.51% nga 1.45% që ishte një muaj më parë.
Oferta për bonot 12 mujore ishte 8.2 miliardë lekë, ndërsa kërkesat në ankand arritën vlerën totale prej 9.7 miliardë lekësh.
Një javë më parë u zhvillua ankandi i bonove 3-mujore që po ashtu pati rritje të lehtë të yield-eve në 0.99% nga 0.96% në ankandin paraardhës.
Gjithsesi, niveli i yield-eve vazhdon të mbetet i ulët që nga viti i pandemisë, tregues pozitiv i efektit të politikave monetare.
Niveli i yield-eve të titujve shtetërorë është benchmark për përcaktimin e interesave të huave afatgjata në lekë dhe të sektorit privat. Lidhur kjo me masat për të mbajtur të ulët normat e interesit.
Banka e Shqipërisë ka raportuar herë pas here që tregu i parasë në vend nuk ka nevojë për likuiditet pasi ai është i bollshëm, por normat e ulëta të interesit e kanë lejuar atë të shtohet.
Normat e interesit të bankave në vend vazhdojnë të jenë në nivelin më të ulët historik, 0.5%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.