.png)
Nga Gazeta 'Si'-Pas protestave të ashpra në Serbi, nuk vonoi reagimi i Kremlinit, për të cilin është Perëndimi ai që po i vë “flakën situatës".
Zëdhënësja e Ministrisë së Jashtme ruse, Maria Zakharova – e cila edhe ajo është në listën e sanksioneve nga BE pas pushtimit të Ukrainës - shtoi se kryeqytetet perëndimore "po përpiqen të tensionojnë situatën duke përdorur teknikat e Maidan".
Një referencë për protestat në rrugë që u zhvilluan në Kiev në 2014, të cilin Moska e ka cilësuar gjithmonë si një grusht shteti të udhëhequr nga Perëndimi. Ky është një interpretim që i dha Putinit bazën politike për luftën në Donbas, pushtimin e Krimesë dhe më pas sulmin ndaj Ukrainës më 24 shkurt 2022.
Qeveritë europiane akuzojnë Moskën se prej kohësh po përpiqet të destabilizojë Ballkanin në luftën e tij hibride kundër Perëndimit.
Mijëra persona iu bashkuan opozitës mbrëmjen e djeshme(24 dhjetor) për të prostestuar krah opozitës që kërkon anulimin e zgjedhjeve të mbajtura më 17 dhjetor.
Manifestuesit thërrisnin ‘Hapni derën’, ‘hajdutë’, ndërsa godisnin zyrat me vezë e gurë.
Disa këndonin “Vuçiç është Putin” duke e krahasuar presidentin serb me liderin rus.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
