.png)
Bitcoin ka pasur fillimin e tij më të keq të vitit në të gjithë historinë e kriptove. Por cila është perspektiva për vitin 2022?
Bitcoin po humbet një pjesë të konsiderueshme të tregut, nga 70% që ishte vitin e kaluar në 40%. Një rënie jo e vogël.
Kriptomonedhat e krijuara nga bankat qendrore (CBDC – monedhat digjitale të bankës qendrore) mund të kenë një rol për të luajtur në të ardhmen, por shkallëzueshmëria e tyre është e kufizuar nga kufijtë kombëtarë. Bitcoin nuk ka një kufizim të tillë.
Kompanitë ndërkombëtare të teknologjisë po rriten fuqishëm. Apple ka një kapitalizim tregu më të madh se PBB-ja e Mbretërisë së Bashkuar e cila është ekonomia e pestë më e madhe në tokë.
Vetëm SHBA-ja dhe Kina kanë PBB më të mëdha se kapitali i kombinuar i tregut të Alphabet, Apple, Amazon, Facebook dhe Microsoft. Teknologjia po bëhet ngadalë sundimtari ynë i ri dhe kjo është bërë e mundur nga shkallëzueshmëria e saj ndërkombëtare.
Ndoshta do të shohim monedha të FMN-së, të bazuara në një shportë monedhash kombëtare.
Por mjafton të shikoni ligjet ndërkombëtare të taksave për të kuptuar se sa e vështirë është që qeveritë e ndryshme me axhenda të ndryshme në shtete të ndryshme të bien dakord për ndonjë gjë. Dhe edhe nëse monedhat e FMN-së krijohen,atëherë ju duhet të bindni tregun.
Bitcoin është tashmë atje.Si një teknologji e re, veçanërisht një teknologji e re, funksioni i së cilës është të jetë paraja, është gjithashtu shumë spekulative.
Ndërsa rrjeti rritet dhe krijohet, paqëndrueshmëria zvogëlohet.
Ka disa cikle për secilën nga fazat nëpër të cilat kalon Bitcoin.
Midis 2020 dhe 2021, Bitcoin i gjurmoi të gjitha ato faza. Ajo që ishte një gabim i madh është se pas furisë së Bitcoin në 64.000 dollarë në maj të vitit të kaluar, u kthye drejt e në nivelet e vjetra duke rënë ashpër në 30.000 dollarë.
Fushat e mbështetjes dhe rezistencës janë mjaft të dukshme: 40.000 dollarë është mirë.
Nëse kjo nuk qëndron, atëherë 30.000 dollarë hyjnë në lojë. Në rast të dështimit të kësaj, vlera e vjetër me 20.000 dollarë është ajo që na pret më tej.
Bitcoin është një aktiv me rrezik, kështu që nëse bankat qendrore, dhe veçanërisht Rezerva Federale, me të vërtetë fillojnë të shtrëngohen dhe ne kemi një shtrëngim të likuiditetit, atëherë këto nivele do të hyjnë në lojë. Megjithatë, nëse paratë mbeten të lehta dhe politika e lirë, atëherë rreziku do të rikthehet përpara se ta kuptoni.
Nga ana tjetër, avantazhi për Bitcoin mbetet i jashtëzakonshëm – aq sa do të dukej marrëzi të mos kishte të paktën një sasi të vogël ekspozimi ndaj tij, duke pasur parasysh potencialin.
Në përgjithësi, jemi ende në një fazë konsolidimi zhgënjyes. Bollëku i lajmeve të këqija nëpër media këtë javë nënkupton që ne po arrijmë një lloj kulmi shitjeje, por me kriptovalutat gabimi shpesh është se nënvlerësohet si potenciali në rritje ashtu edhe ai në rënie.
Ky treg mund të shkojë më poshtë por edhe mund të ngjitet më lartë në 2022-shin.
E gjithë kjo është pjesë e paqëndrueshmërisë së zotërimit të Bitcoin. Shijoni udhëtimin, mos u ndikoni shumë dhe mos rrini gjithë kohës duke kontrolluar ekranet e telefonave për të parë ciklet e tij.
Në pesë vjet, Bitcoin do të ngjitet shumë lartë.
Burimi: MoneyWeek, Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
