.png)
Viti 2020 nis me ardhjen në jetë të një fëmije vajzë, foshnja lindi në orën 00:32 në Martenitetin Geraldinë.
Erdhën në jetë, thuajse në të njëjtin minut ndaj edhe për mjekët ka qenë e vështirë për të përcaktuar foshnjën e parë të vitit në Tiranë. Përmes një postimi në facebook, Ministrja e Shëndetësisë Ogerta Manastirliu e cila shkruan se të dy foshnjet e ardhur në jetë gëzojnë shëndet të plotë.
“Një djalë dhe një vajzë janë bebet e parë që kanë ardhur në jetë shëndosh e mirë në minutën 1 të vitit 2020. Në maternitetin “Mbretëresha Geraldinë” e para ka lindur Emel, ndërsa në maternitetin “Koço Gliozheni” ka lindur i pari një djalë që gëzon shëndet të mirë! Gëzuar me mrekullinë e jetës!”, shkruan ministrja në postimin e saj. Ndërsa mësohet se në Fier , erdhi në jetë fëmija djalë në orën 00:10 në Maternitetin e këtij qyteti.
Kryeministri Edi Rama ishte sot në mëngjes në të dy maternitetit për të vizituar dy nënat e reja në maternitetin Koço Gliozheni dhe më pas në atë Nënë Mbretëreshë. Ashtu si edhe në vitet e tjera, qeveria do të akordojë bonusin për nënët që lindin fëmijët. Ministrja Manastirliu u shpreh se gjatë vitit 2019 mbi 37.180 familje të përfitojnë bonusin e bebes. Ndërsa mësohet se janë 10 mijë fëmijë të lindur jashtë Shqipërisë dhe që kanë përfituar bonusin.
Nga ora 12:00, sipas ministres janë dhjetë fëmijë të ardhur në jetë në Tiranë. Bebja e parë është Emeli, vazja, e cila kishte fëmijën e dytë. Ndërsa bebja tjetër ishte djalë Reis, fëmija e parë i një familjeve. Në vizitën në maternitet një nënë kishte lindur fëmijën e pestë, ndërsa Rama gjatë dhënies së çekut si bonus prej 120 mijë lekësh u shpreh se është një bos i vogël.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
