Vijon që të jetë aktiv zjarri në zonën e Molungut në Mirditë. Fatmirësisht flakët nuk përbëjnë rrezik për zonën e banuar. Forcat e ushtrisë po punojnë pa ndërprerje për shuarjen e flakëve, ndërsa sot pritet që të ketë ndërhyrje me helikopter nga ajri.
Po ashtu, Komisioni i Mbrojtjes Civile në Prefekturën e Kukësit ka dhënë detaje për situatën e zjarrit në Majën e Rrunës. Bëhet me dije se vatra vijon të jetë problematike me gjithë punën e bërë nga forcat e angazhuara. Ndërkohë, këtë të martë ka filluar edhe ndërhyrja me helikopter.
“Situata e zjarrit të rënë në Maja e Rrunës(Laku i Thive) Nj.Ad Malzi bashkia Kukës vazhdon të jetë problematike me gjithë punën e bërë nga forcat e angazhuara nga bashkia Kukës dhe forcat e DMR-së Kukës. Sot nga bashkia janë angazhuar 10 forca të MZSH-së, 7 punonjës të pyjores dhe Nj.Ad Malzi, 5 nga komuniteti dhe 15 forca të DMR-së Kukës. Nderkohe ka filluar nderhyrja me helikopter,” thuhet në njoftim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.