“Pak durim…”, e thotë disa herë kryeministri Edi Rama në një bashkëbsiedim me ndjekësit sonte në Facebook.
“Ata që sot janë duke vuajtur pasigurinë sepse punojnë në në një kompani, apo janë larguar sepse një kompani i ka shkurtuar apo pezulluar si rezultat i luftës të jenë të sigurtë se nuk do i lëmë vetëm”, thotë Rama. Zgjidhja do të jetë pjesë e zgjerimit të mëtejshëm të paketës që, sipas tij, do të bëhet jo para 15 Prillit sepse këto kohë “duhet të shohim fushën e luftës”
Po ata që kanë punuar në hotele e restorante, por që sot janë pa punë sepse ato janë mbyllur si rezultat i kësaj situate?
“Do të paguhen nga ne, paketa e parë, biznes i vogël, me punonjës të regjistruar, nëse je i regjistruar në një biznes të vogël restorant do paguhesh, nëse je në një biznes të madh kjo i takon zgjerimit të paketës për të cilën do flas më tutje”.
“Kur do hapen linjat ajrore? “Do hapen atëherë kur kjo situatë të ketë kaluar. Kur do kalojë kjo situatë këtë nuk e di askush”, përgjigjet ai.
Kur do të mund të qetësohet situata? “Situatë më të qetë se kaq në kushte lufte, që natyrisht është një situatë e qetë në kuptimin e raportit me armikun, nuk mund të kishte. Sot mund të ishim duke numëruar qindra të vdekur, do të ishim në një tunel nga ku do të dilnin me mijëra të vdekur dhe ju thoni kur do jemi në një situatë të qetë”.
Nisur edhe nga akuzat e PD-së, Rama nënvizon se për testet, ai do t’i referohet vetëm Komitetit Teknik.
“Ajo që kam thënë është se testet janë strategji e Komitetit Teknik të ekspertëve nëse na thonë duhen 2000 teste në ditë, atëherë do i bëjmë 2000 teste, në këtë luftë unë jam përgatitur për gjithcka, në çdo moment që do u duhet shqiptarëve e Shqipërisë s’do i mungojë… “ Rama foli sërish për masat e reja ndëshkimore, duke nënvizuar si më herët, se do të ketë ndryshime në Kodin Penal dhe atë Rrugor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.