.png)
Teuta ka mposhtur Kukësin me rezultatin 2-1 në takimin e kthimit në “Niko Dovana”, me sfidën e parë që ishte mbyllur në barazim 0-0 në “Elbasan Arena” të Durrësit. Golat e shënuar nga Kapllani dhe Hoxha mjaftuan që Teuta të triumfojë dhe të arrijë në finale.
90 minutat e këtij takimi ishin shumë të luftuara dhe të dyja skuadrat luajtën me shumë kujdes. Ndeshja u zhvillua në mesfushë, ku nuk munguan ndërprerjet e shumta të lojës. Pjesa e parë nuk pati shumë raste, ku mundësinë më të mirë e pati Teuta me Kallakun i cili pasoi saktësisht për Hebajn por sulmuesi nuk arriti të gjuajë në portë.
Në pjesën e dytë, të besuarit e Martinit kanë përmbysur verilindorët, pasi ishte Rroca që kaloi në avantazh Kukësin. Ka qenë Kapllani që ka barazuar shifrat disa sekonda pasi ka hyrë në fushë. Goli fitores do të vinte në minutën e 83’, ku mbrojtësi Hoxha I ka dhënë finalen durrsakëve.
Në 2 gusht në “Air Albania” do të zhvillohet finalja mes Tiranës dhe Teutës për trofeun e Kupës së Shqipërisë. Si Teuta ashtu dhe Tirana festojnë 100 vjetorin këtë vit, ku fati i ka vendosur përballë në finale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
