.png)
Gjatë 2018-ës vetëm 8% e kërkesave të shqiptarëve për azil në BE janë pranuar.
Në vitin që lamë pas, ishin 20 mijë shqiptarë që kanë aplikuar për azil në vendet e Bashkimit Europian.
Shqiptarët renditen në vend të parafundit (19) për pranimin e kërkesave për azil.
Mbi 1/3 e vendimeve për azil në BE që në seancën e parë në BE rezultuan pozitive.
Pothuajse 582 000 vendime të shkallës së parë për aplikime për azil u shqyrtuan në Shtetet Anëtare të BE gjatë 2018-ës dhe 309 000 vendime të tjera përfundimtare pas një ankimimi. Vendimet e marra në shkallën e parë rezultuan në dhënien e statusit të mbrojtjes për 217 400 persona, ndërsa 116 000 të tjerë morën statusin e mbrojtjes pas ankimimit.
Normat e njohjes ndryshojnë shumë midis shtetësive.
Shkalla e njohjes, përkatësisht pjesëmarrja e vendimeve pozitive në mesin e numrit të përgjithshëm të vendimeve, ishte 37% për vendimet e shkallës së parë në BE. Për vendimet përfundimtare pas ankesës, shkalla e njohjes ishte 38%.
Rezultatet e vendimeve për aplikimet për azil, dhe për këtë arsye norma e njohjes, variojnë midis vendeve të ndryshme prej nga vijnë shtetasit që kanë kërkuar azil. Në mesin e njëzet shteteve kryesore të aplikantëve për azil, në të cilat vendimet u morën në shkallë të parë në vitin 2018, normat e njohjes në BE shkonin nga rreth 5% për qytetarët e Gjeorgjisë në 88% për sirianët dhe 83% për Eritreanët.
*Burimi: Eurostat
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
